MARIJA U L-UNJONI CIVILI

Nhar it-tnejn 14 ta’ April Marija ta’Xkieli kienet il-Belt, u fil-pjazza ta’ quddiem il-palazz inqabdet f’folla gmielha ta’nies, u sejra lura r-rahal tiltaqa ma’ Zolla li wkoll qabdet tal-linja.

 

‘Dan x’kien hawn il-Belt illum Zoll? Ghidt li ser niehu kafe’ bil-kwiet u inqbadt f’dawn in-nies kollha?’

‘Mela ma tafx li llum inkitbet l-istorja, Marija? Illum ghaddiet il-ligi tal-Unjoni Civili.’

‘Eh, ghalhekk dan l-ghageb kollu? Jien ma nafx x’hemm civili, ghax l-affarijiet li rajt gibt ghajnejja wara widnejja. Kont qisni qeghda l-karnival tan-Nadur.’

‘Ghaliex titkellem hekk Marija? Dawn nies ukoll.’

‘Mela jien ghidt li m’humiex? Tibdiex tpoggili kliem f’halqi Zoll. Jien ghalija jista kullhadd jaghmel li jrid. Affari tieghu u ta’ razztu. Basta ma jdejjaqx lil haddiehor. U jien illejla dhalt il-Belt biex niehu kafe’ u ghax dawn hassewhom civili, lili hassruli l-festi.’

‘Xi kulltant ma nifhmekx Marija, tafx.’

‘M’hemmx x’tifhem Zoll. Jien u Kola ninnamraw, int u zewgek tinnamraw, u hadd ma jaf b’xejn. Dan, ghaliex ghax jinnamraw huma, iridu jaghrfu lil kullhadd? Jistghu jaghmlu lis-sema ta’ angla jridu. Il-qattus ukoll jilaq ghajnu. Imma lili hallini niehu kafe’bil-kwiet.’

‘Mari’ ha nfhemek ftit. Jien u int izzewwigna. Dawn irridu jizzewgu wkoll.’

‘U hallina, Zoll, x’kull wahda. Jizzewwgu? U kif ser ihaddmu l-kuciniera?’

‘Ihaddmuha Mari’. Ihaddmuha.’

‘U iva, imma l-borma tiggemmed iva, imma l-brodu ma jsirx.’

‘Hekk hu Marija. Issa bis-sahha ta’din il-ligi jistghu jiehdu l-brodu minn ghand haddiehor.’

‘X’kull wahda wkoll. Jien tieghi joghgobni ghax jien naf x ‘inkun tfajt fil-borma. Inkitbet l-istorja ghax iggemmdet il-kuciniera u tiehu l-brodu ta’haddiehor. Ahjar Alla jaghtini s-sabar.’

‘Imma Joseph hekk qalilna, li qed tinkiteb l-istorja.’

‘Jien taf x’nghid Zoll, li jekk bniedem ikun qasir, mhux ser jitwal ghax ser tibda ssejjahlu twil.’

‘Isma wara kollox, jien ma nifhimx. Jien immur taht it-tinda, nara lill-ohrajn icapcpu, u incapcap jien ukoll.’

‘Mhux hekk. Inkella kif nimxu l-quddiem? U dak xi gralkom taht it-tinda, Zoll ghamiekom id-dawl? Jien nahseb li kien hemm wisq bozoz tal-mija, dak l-gherf kollu f’post wiehed.’

‘Fejn ix-xjafek naf. Ghandi xorti li kont qed inpacpac ma ta’ warajja ghax lili ma tantx lahaqni.’

‘Ghandek tghid jasal biex jaghmikom u xorta wahda d-dawl ma tarawhx. Jien ser nizel hawn. Sahha Zoll.’

MARIA GHAND L-ISPIZJAR

Mhux is-soltu li Maria tmur ghand l-ispizjar. Meta tidhol f’hanut Maria dejjem tkun trid tixtri xi haga, u minn ghand l-ispizjar mhux hafna huma l-affarijiet sbieh li tista tixtri. Din id-darba izda hasset li ahjar tmur hi.

‘X’nista naqdik Maria,’ staqsiha l-ispizjar. ‘Mhux is-soltu li narawk hawn.’

‘Ta veru, spiz, imma l-ahhar li gie Kola ghandek, jew hawwad kollox hu jew hawwadtu int.’

‘X’inti tghid Maria! L-ahhar li gie Kola tieghek kien biex jixtri xi vitamini ghall-familja jekk niftakar sew.’

‘Hekk hu, spiz. U int ghidtlu biex niehdu seba kuljum.’

‘Le, Maria. Jien ghidtlu biex tiehdu wahda kull seba tijiem.’

‘Qed tara ghaliex gejt jien. Seba kuljum waslet ir-risposta.’

‘Allura issa kif intom?’

‘Kif tridna nkunu. Qisna cilindri tal-gass iridu jisplodu. Jien, hiereg id-duhhan minn widnejja u Kola qed jahseb li ghadu t’ghoxrin sena. Mhux qed ihallini norqod bil-lejl. Hemm, hallejtu jigri wara l-qattusa fuq il-bejt.’

‘U x’esagerazzjoni Maria. Veru li dawk vitamini tajbin hafna, imma ma jahdmux kif qed tghid int.’

‘Kif jahdmu jien ma nafx, imma xi haga fihom zgur. Ara aqdi lil dan it-tifel inglis ghax dan ommu tkun qed tistennieh. How brave. Veru bravu you are boy, not like my cindrin. X’qed jixtri dak spiz?’

‘Maria, mela jien noqghod nghid x’jixtri dak u x’jixtri l-iehor. U int x’inhu affari tieghek? Int l-aqwa li tkun taf x’tiehu int u x’jiehu Kola.’

‘Dak jiehu, daqs kemm jiehu affarijiet – aspirina, madeforme, dinitrol. X’ma jihux ghidli.’

‘Tista tghidli x’ghandek bzonn Mari, ghax hawn min ghandu x’jaghmel.’

‘Bil-mod. Mur ara x’ghandek x’taghmel. U isma wara kollox jien ghall-bzonn gejt hawn ghax kieku m’ghandix ghalfejn nersaq.’

‘u sadanitant ghadek m’ghidtlix xi trid.’

‘fejn ix-xjafek naf ghal xiex gejt. Nessejtni, int, bid-diskors zejjed tieghek. Eh, iva. Kola baqalu xi ftit pirmli zejda milli jgib mill-isptar, int issib x’taghmel bihom ghax jahassra dnub jarmihom? Jien ma rridx flus ghalihom, imbaghad ara x’taghtini taghhom int.’

‘Jahassra, imbasta ggibu ghax b’xejn mill-isptar, imbaghad thalluhom hemm. U issa jien Mari, xi tridni naghmel bihom! Mela jien ser nohrog pilloli li Alla wahdu jaf fejn zammejthom?’

‘Kont ser nghidlek fejn zammejthom. Fejn tridni nzommhom. Zgur fuq ic-centru tal-kamra tal-pranzu, tarax! Taht il-mitrah taz-zija Karmni. M’hemmx post ahjar. Il-kamra zzom il-frisk u l-mitrah hadd ma jmissu. Minn mindu giet nieqsa iz-zija Karmni, hadd hlief jien ma dahal fil-kamra. Hemm ftit riha ta gheluq, imma l-gheluq qatt ma qatel lil hadd.’

‘Hallina. Maria, tridx thallina. Mur, mur u tinsiex terga ggib skoss iehor pilloli mill-isptar. Ta’ b’xejn qatt ma fih telf.’

‘Jien biznis ingieblek, spiz. Ghandek tghid mhux il-ministri w n-nisa taghhom biss jitkabbru kif jiehdu li jridu. Int ukoll spiz, insejt kemm tkarrabt lin-nies ghall-bidu li gejt ir-rahal. Arani tlaqt.’

MARIA U L –KAPPILLAN

Maria midhla tal-knisja mhux hazin. Mhix mara li tiekol l-ghatba taghha u lanqas tippretendi li tifhem x’inhi spiritwalita, imma fejn ikun hem htiega ta xi ghajnuna, hemm issibha. Ma taghmilx ix-xoghol li jkun hemm hi, imma tiehu hsieb li jkun hemm min jaghmlu. Ghodwa wahda, hekk kif ikun hiereg mill-ufficju tieghu, il-kappillan jigi wicc imb wicc ma Maria.

‘Kieku kont biljett tal-lotterija Maria, kieku zgur kont nirbah, ghax proprju lilek irrid.’

‘Hallik mill-lotteriji sur Kappillan ghax sibtni mument hazin.’

‘Ghaliex xi gralek Maria? Veru, xejn ma tidher bhas-soltu.’

‘Jien, meta jaghmel dan ir-rih kiesah xejn ma nkun f’tieghi. Ghal xejn nilbislu. Illum zewg qliezet ilbist minn taht, u xorta wahda qisni ghandi friza tahti.’

‘Tiskantani Maria, kemm kont naghmlek demmek shun.’

‘Uwa demmi shun. Kuxxtejja mhumiex. Madankollu sur Kappillan int x’ghandek bzonn ghax, nghiduha kif inhi int ftit jimpurtak minn kuxxtejja.’

‘U mhux ma jimpurtaniex, imma mhux fuq hekk xtaqt inkellmek.’

‘Isma, sur Kappillan issa toqghodx tghid lil kullhadd li jien nilbes zewg qliezet ta taht, ghax mur ara x’ jahsbu. Ajma immissu jisma Kola tieghi li l-kappillan jaf li nilbes zewg qliezet ta taht, u li jkolli kuxxtejja kishin.’

‘Mhux ahjar naqilbu d-diskors Maria ghax jaf igibna fl-inkwiet.’

‘Ukoll! Mela l-ewwel tghidli li tridni, imbaghad li jimpurtak minn kuxxtejja, u issa li ser ingibek fl-inkwiet. Tridx tghidli fiex nista naqdik sur Kappillan.’

‘Maria, xtaqtek taghmilli ftit figolli ghall-Ghid biex naghmlu ftit fund raising ghall-knisja.’

‘U ghal daqshekk, sur Kappillan. Issa nqabbadlek lil Zolla. Dik imdawwra bil-figolli u zgur li ma tghidx le. Ghall-fun racing ma naqdikx ghax ili ma nittrenja.’

‘U ajma Maria kollok cajt int. Ser taqdini jew le?’

‘Ergajna koppi. L-ewwel ridt tkun taf kemm nilbes qliezet, issa tridni naqdik. Min jisimek, sur Kappillan min jaf x’jahseb. Imma ghall-figolli, dak halli f’idejja. Tiehux hsieb. Hawn, ara gejja Zolla. Il-veru xortik m’ghajnek sur Kappillan. Zoll, Zoll ejja ftit hawn ghax il-kappillan iridek tahdimlu l-figolla.’

‘Biex int gejja ghodu ghodu Mari? Ara hallini bi kwieti ghax m’ghandiex aptitek dalghodu. Bongu sur Kappillan.’

‘Ara din. Mela veru kullhadd qam b’imnihru mdawwar illum. Tridx tmorru tixxejjru lkoll ghax jien la ghandi bzonn figolli u lanqas bzonn taghkom. Hawn ara sur Kappillan, qdejtek. Issa fehma int lil Zolla x’ghanda taghmel ezatt. Jien ser nidhol ftit il-knisja u nghid talba zghira ghal bzonnijiet taghkom.’

‘Grazzi, grazzi hafna, Maria. Il-bambin ikun jafhulek. Ma nafx x’konna naghmlu minghajr l-ghajnuna tieghek.’

‘Sahha sur Kappillan. U kif ghidtlek, dak li tkellimna aktar qabel ta bejni u bejnek.

Zoll, int mhux affair tieghek.’