WARA L-MEETINGS

Maria u Zolla iltaqaw fil-pjazza tar-rahal, it-tnejn gejjin lura mill-ahhar meetings tal-kampanja elettorali, tal-ewwel minn fuq il-Fosos u Zolla minn Hal Far.

‘Kemm kelna nies Maria. Dnub li ma gejtx maghna.’

‘Ser tghid lili ghan-nies. Il-Fosos riedu jisplodu. U ga ghidtlek in-nies tal-meetins ma jrebbhux elezzjonijiet.’

‘Kif ma jrebbhux elezzjonijiet. Mela mhux vot ukoll ghandhom?’

‘ Imma kemm int tuba, Zoll. U mela m’ghandhomx, imma minn dawk il-partiti ga jkunu mohhom mistrieh. Huma n-nies li jibghu d-dar li jafu jmorru ‘l hawn jew ‘l hemm li jdawwru rizultat. X’qalilkom Joseph?’

‘ U kemm jaf x’ghandu xi jghid. Kemm jaf ipoggi l-kliem. Tghidliex x’qal ghax jien ighid x’ighid jinzilli ghasel minghajr ma naf xi jkun qal.’

‘ Halli ghalik Zoll. Mhux ta’ b’xejn qeghdin f’li ahna. Ic-cucata hi li l-aktar bniedem intelligenti fil-pajjiz vot daqshekk ghandu.’

‘ Kos veru hux!’

‘Qalilkom li L-ahjar zmien ghadu gej, hux? Imma ma qalilkomx ghal min, jekk hux ghalina jew ghalih.’

‘ U ajma Mari’ ghaliex tghid hekk ? jahdem tant ghalina !’

‘ Mhux hekk . Minn tlett ijiem wara li tela beda jahdem ghalina. Staqsi lil dak Tonna.’

‘ U hallini Mari’. Waqt li kont il-meeting taghna mohhi kien maghkom fuq il-Fosos.’

‘ Biex int gejja Zoll?’

‘ Ghax ghidt, ara issibulu xi kont iehor jew taqbduh f’xi tbazwira ohra. Imma ghall-hanin Alla ma ghidtu xejn gdid.’

‘ Le, Simon diskors pulit tal-gheluq ghamel. Imma ha nghidlek Zoll, mhux ghax m’hemmx tahwid iehor. Jien nghidlek li kemm kemm missejna il-wicc tal-hmieg li ghandkom.’

‘ U iva Mari’ dak ma jimpurtax x’hemm u x’mhemmx. L-aqwa li issa ghada gurnata tal-flissjoni u ma tkunux tistghu tohorgu b’xejn gdid qabel l-elezzjoni. Imbaghad wara ha naraw. B’mod jew iehor, tidwir l’hawn u tidwir l’hemm Joseph irnexxilu jhawwad l-imhuh u d-dubbju hallihulkom hemm ma’wicckom.’

‘ X’jimpurtak minn x’inhu sew u x’mhux, Zoll. L-aqwa li jirbah il-king. Dak l-importanti ghalik. Ara dabbar rasek ghax id-dardir tqabbadni tirraguna.’

‘U zgur int ma tafx kif kont it-toqba t’ghajni diehla u hierga li ma tohorgux b’xi wahda ohra, jekk mhux intom dik tal Bidnija.’

‘ Itlaq l’hemm Zoll. Itlaq, ghax ma nifilhekx aktar.’

ID-DIBATTITU.

Maria  w Kola spiccaw mill-ikla ta’ filghaxija u ddecidew li jmorru jaraw id-dibattitu taz-zewg mexxejja li kellu jintwera’ fuq it-televixin.

‘Tridx imorru l-kazin tal-banda, Kol? Jekk xejn nghidu kelma.’

‘Int isegwi d-dibattitu trid, Mari’, jew tghid kelma!’

Il-kazin kien mimli, imma Maria malajr sabet post, kemm ghaliha kif ukoll ghal Kola, u m’ghandniex xi nghidu, fuq quddiem. Id-dibattitu beda u minnufih waqet fuq il-ghaliex Joseph ma nehhiex lil Konrad u Keith.

‘X’qal dan? Ghax kellu bzonnhom? Mela lilhom biss kellu. Mela l-ohrajn tigieg! Lanqas staha wkoll. Possibbli ma’ hadux ghalihom.’

‘ Bizzejjed ha nisimghu Mari’’

‘ Isma x’qallu. Min ma jiggielidx il-korruzzjoni korrot hu wkoll. Mela ghandna korrotti madwarna.’

‘Iva ghalaq halqek daqsxejn.’

‘U x’naghlaq naghlaq. Mhux veru. Hawn dan, tar-rahal, mhux imbilli jintona t-tedew fil-festa u jilaghba tal-qaddis. Ma fetahx halqu ghal din il-korruzzjoni li hawn.’

Malajr beda dibattitu bejniethom u addio televixin.

‘ Isma, ha nghidlek Mari’’ gholla lehnu Konsu tal-Lejber,’M’iniex ser nghid li m’hawnx korruzzjoni, imma trid tkun tal-gebel biex ighaddu dawk il-flejjes kollha minn taht idejk, u ma tbilx subajk xi ftit.’

‘ Imma dawn mhux subajhom billu Kons, dawn inxtehtu b’ruhom u gisimhom  fil-mejjilla. Ghandek tghid kemm tirraguna Kons, taf li qed jisirqu u taghtihom ragun. X’ghamad ghandkom quddiem ghajnejkom, ma jitwemminx.’

‘ Imma Mari’ ahna z-zghar mhux bilfors il-Lejber irridu nivvotaw.’

‘X’inti tghid, Kons, mela l-Lejber ghadu l-partit taz-zghir? Hlief jindesu mas-sinjuri mhumiex. Hemm ahna medda shiha taz-Zonqor hada bix-xejn sinjurun arbi, l-ITS l-istess, imbaghad bicca appartament imgiddem ghaz-zghir m’ghamilx tul dawn l-erba snin.’

‘U tghid issa ma jaghmilx. Joseph li jwieghed jaghmlu.’

‘ Ruh ommok jaghmel Kons. Kieku, dik hi l-ghajta ghax ma baqax poster li ma wahhaltux li dak li jwieghed iwettqu. Imma bejn il-kliem u l-fatti hemm bahar jikkumbatti. Intom hekk tahdmuh lill-poplu. Tghidu llum, tghidu ghada. Tigdbu llum, tigdbu ghada. Sa fl-ahhar temmnu lilkom nnifiskom.’

‘Iva, Mari’ tidbaqbaqx ghax taghtik xi fewga.’

‘ Ara tithajjarx tghajjarni wkoll. Ghax issa hekk hadtu drawwa. Tippridkaw l-imhabba u kif ser taghqdu poplu, imbaghad halli ghalikom biex ixerrdu t-tghajjir. Ghidlu jigi ighid lili ‘ciken’. Imissu jisthi. Dak agir ta’ priministru? Jien u Zolla r-rahal t’isfel nitghajjru b’dak il-mod.’

‘ Kol, tahseb li qed tghid sew Maria? Ghid kelma int.’

‘ U xi tridu jghid. Ara Kol ejja nitilqu ‘l hemm ghax dawn dibattitu ma jhallukx tarah bil-kwiet.’

MARIA GHANDA APPUNTAMENT.

Maria nizlet sploduta minn fuq il-karozza tal-linja. Hadd ma ssogra jkellima. Biss, wara li gabulha kikkra kafe’, daru maghha f’nofs il-pjazza u staqsewa x’kien grala.

‘ Dan kont qed nistenna appuntament ghal ghajnejja mill-isptar, u tlett gimghat wara li tajthom il-karta tat-tabib, dan l-imbierek appuntament wasal. Ghat-18 ta’ Mejju. Ghidt, bejni u bejn ruhi, it-tmintax ta’Mejju pitghada, mhux il-boghod.’

‘Qed tara kemm tjiebu l-affarijiet taht dal-gvern,’ kienet pronta taqbez Konsa.

‘ Hekk ghidt, jien ukoll Kons, ghax dak li hu sew, sew trid tghidlu. Ghidt, bejni u bejn ruhi, allahares ssir taf Zolla, ghax aqta kemm tiddandan bil-ministru taghha.’

‘ Bid-dritt, hux Mari’’

‘ Iva halluni nkompli. Mela, qomt filghodu kmieni tat-tmintax, ghax kella twassalni it-tifla ta’ Lela. Ruhi qalbi siegha domna sejrin bit-traffiku li sabet. Imma fl-ahhar wasalna. Ghoxrin minuta ohra domna nduru biex forsi ssib fejn tipparkja. Ghidtilha biex titlaq, imbaghad infendi ghar-rasi.’

‘ Qtajtli nifsi tirrakonta, Mari’. Ejja, kemm ser iddum gejja biha.’

‘ Issa nigi Terez. Imma rridkom tifhmu kemm qtajt nifsi jien biex nasal ghal dan l-imbierek appuntament. Insomma fl-ahhar wasalt il-klinika tal-ghajnejn. In-nurse talbitni l-karta, u kif rajta thares lejja ghal darba darbtejn, xammejt li m’ghogobtiex.’

‘ X’gejt taghmel illum,’ staqsietni.

‘Illum mhux it-tmintax ta’Mejju? Ghandi appuntament mal-professur. X’kull wahda wkoll, tghidx ma gejtx biex…’

‘ Yes, imma dan l-appuntament ghat-tmintax ta’Mejju tat-2018 – in a year’s time.’

‘Ridt l-art tiblani. Ma stajtx nemmen kif dawn kellhom il-wicc jaghtuni appuntament ghal sena ohra. Lanqas haq il-kedda li tawni. Issa kellimni Kons fuq kemm tjiebu l-affarijiet taht dal-gvern.’

‘ Mhux int qrajt hazin, x’kull wahda.’

‘ Eh, dak li ghandek xi tghid? U mhux li l-fanfarunati ta’kemm naqsu l-waitin list hu kollu gbid tas-saqajn? Naqsu, naqsu il-waitin list imma ghal dawk li jmorru jitkarbu wara l-ufficju tal-ministru tieghek.’

‘ Int ghax ma gejtx ukoll? Kieku ressaqtek jien zgur kien jaqdik.’

‘ Jien dak li hu tieghi irrid Kons. JIen m’ghandix nitlob il-karita’, u wkoll, biex jaqdi lili bil-fors ser niehu post haddiehor. U jien dan ma rridux.’

‘ Imma, Mari’ veru ghas-sena d-diehla kien l-appuntament.’

‘ Intix ser tghid li qed nigdeb ukoll, ghax issa hadtuha drawa li kull haga li ma ddoqx ghal widnejnkom tghidu li hi gidba. Hawn ara hux veru. Ara tridux titilqu l‘ hemm ghax m’ghandix aptitkom wara l-kedda li hadt illum.’’

MARIA GGIBHOM HI L-PROVI

Maria kienet xebat quddiem it-televisin,taqleb min-Net ghall-One u mill-One ghan-Net. Kienet thobb tara kollox ghax Maria riedet tkun infurmata. Imma issa riedet ftit arja friska u nxtehtet fuq l-ghatba.

‘Kif nohrog dejjem jersaq xi hadd ma’min nghid kelma,’ qalet lil Kola. U hekk kien, ghax minnufih dehru Konsa ta’Pespes u Lela ta’Zonqri.

‘Xbajt gewwa naqleb minn stazzjon ghall-iehor.’

‘ Jien ukoll kollox nara. L-ewwel nara l-ahbarijiet fuq il-One imbaghad fit-tmienja mmur fuq it-TVM. In-Net ma narahx ghax dak kollu gideb,’ stqarret Konsa.

‘Mela tara kollox Kons! Mhux ta’b’xejn mohhok jibqa maghluq. Jekk tara l-One tista t-TVM ma tarahx ghax li jkun hemm fuq wiehed ikun hemm fuq l-iehor u jekk ma tarax in-Net ma tkunx smajt il-qanpiena l-ohra.’

‘Sewwa qed tghid Maria, Kons. Imma jien ma nhobb nara xejn. Xebbatni l-politika,’ qalet Lela.  ‘Ghalija t-tnejn l-istess.’

‘It-tnejn l-istess ruh ommok Lel. Kulma tistghu tghidu fuq wiehed hu li tawh arlogg, waqt li dawn li ghandna llum garrewha kaxxa ta’Malta.’

‘U xi tghidli ghall-iskandlu taz-zejt, Maria?’

‘ Dak ma kien imdahhal ebda politiku, Kons ruhi. Li garrew kienu d-diretturi u ta’fuq,u minnhom kien hemm kemm ta’naha kif ukoll taghkom il-laburisti . U nghidlek ohra, hekk kif Gonzi sar jaf b’taz-zejt mall-ewwel dahhal il-pulizija. Ezatt bhal llum, il-pulizija ila sena taf bil-hmieg li hawn, u baqet ma taghmel xejn’

‘Iva veru li qed tghid Mari’, imma…’

‘hux imma,imma. Dejjem taraw kif idawwru l-kliem Kons, biex dawk li jkunu bhal Lela hawn, ma taf xejn, tithawwad. Ara x’qaltlek, it-tnejn l-istess.’

‘Imma, Maria, il-hin kollu tghidu li dan l-aktar gvern korrot li qatt kien hawn. Ghalfejn dal-gideb. Ma gibtux prova wahda, qal Joseph.’

‘ Cis, xi tridu jghid Joseph Kons. Poggi bilqeghda ha ngibhomlok il-provi. Wahda, l-4 miljuni tal-Café’Premier, Joseph stess qal li l-affarijiet setghu saru ahjar – mela saru hazin, wahda. Tnejn, ta’Gaffarena, Joseph stess qed ikollu jmur il-qorti biex ghal ghajn in-nies jerga jressaq kollox lura, mela xi haga hazina saret hawn ukoll, tnejn. Tlieta,il-kontijiet tal-Panama ma merihom hadd, lanqas Joseph – ghall-bidu iva, imma meta cappsuhomlu ma’wiccu qaghad idur mal-lewza biss,Tlieta. Inkompli Kons, jew bizzejjed?’

‘Jien mhux ghal dawk qed nghidlek Mari’’

‘Mela dawn mhux korruzzjoni wkoll? Mela ghax issa hareg aktar hmieg dawn mhux ukoll kienu korruzzjoni! Mela ghal xiex ridt tghidli.’

‘ Fuq it-tielet kont li qeghdin tghidu li hu ta’Joseph.’

‘ Int jew fidila, Kons jew trid tilghabha tac-cuc. Dan min ha joqghod jiehu gost jara lilek thaxxen butek  bil-liri b’dak li tkunu qed taghmlu flimkien, u hu jibqa jitewweb? Trid taqbel mieghi, Kons, li jekk hu kollox Joseph, fidil mhux.’

‘Imma Maria jien ma’ hafna minn nazzjonalisti m’ghandiex grazzja.’

‘X’ghanda x’taqsam il-grazzja, Kons. Jien ukoll ma’Eddie ma kelliex grazzja, ghax kif kien jarani kien jiksah. Imma daqs kemm ghamel gid ghal Malta dak ir-ragel,hadd. U hekk ghad ikun Simon, Kons,ghax f’dal-mument onesta’ghandna bzonn biex nergaw nigu ghan-normal. Gibtuna lanqas naghrfu l-abjad mill-iswed, it-tajjeb mill-hazin. X’kull wahda wkoll, tivvota bil-grazzja. Le,le, Kons,  mohh ta’tigiega ghandek !’

‘ u iva Mari’, imma kien hemm bzonn taghjruhom kriminali?’

‘ Jiddispjacini Kons, imma serqu somom kbar, ippjanaw dan minn qabel, ippruvaw jahbu, inqabdu, xi trid tghidilhom, mhux kriminali? Le, it-tifel ta’Gola biss hu kriminali ghax seraq portmoni. Jien nifhmek tafx Zoll. Int ghax tarhom libsin glekk u jitkellmu helu, tahseb li ma jkunux kriminali. Xi zball ghandek.’

‘ Ara tghidlix aktar Mari’. Jien minn dejjem labour ivvotajt u miniex sejra ma’ nivvotax labour issa, kriminali u mhumiex.’

‘ Ghamel li trid Kons. Il-qattusa wkoll tibqa tilaq ghajnha. Arani dhalt il-gewwa.

MARIA MA’TISTAX TORQOD

Maria ta’ Xkieli ma’ setghetx torqod. Titqalleb ‘l hawn u titqalleb ‘l hemm ga kien daqq nofsillejl.

‘Kol,Kol, int rieqed?’

‘Rieqed kont Mari’ sakemm qajjimtni. Xi gralek?’

‘Ma nistax naghlaq ghajnejja. Dawk l-imnifah pows kissruli mohhi.’

‘ Ghall-istharrig tas-surveys qed tghid?’

‘ Iva, mela, il-pows. Kif jista jkun li wara daqstant hmieg li nqabdu fih ghadhom minn fuq. Li vera konna pajjiz ewropew lanqas punt wiehed m’ghandhom igibu.’

‘ u dawk taghtix kas taghhom Mari’. Dawk kull m’huma l-opinjoni tal-ftit. Trid ukoll tara kemm ikunu qed jirrispondu genwinament. Hemm min jigdeb apposta. Imbaghad ara kemm hemm li ma kkommettewx irwiehom.’

‘ Int biex isserrahli mohhi qed tghid hekk, Kol.’

‘ Ukoll Mari’. Biss jien ma nafx ghaliex int ghandu jimpurtak daqshekk. Issa jitla Joseph jew ma jitlax ghalina x’jimporta?’

‘ Int bis-serjeta’ qed tghid Kol. Taf xi missek staqsejtni – jimpurtanix jekk tirbahx Malta jew le. Jien dak li jimpurtani.’

‘U iva ghandek ragun. Issa dur u orqod.’

‘ Issa hekk sewwa. Mela Nardu ghax spara fuq gamima kienu pronti nizlu fuqu, fethu l-qorti b’urgenza, wahhluh 2000 ewro u hadulu s-senter, imbaghad qed isir das-serq kollu minn taht imnihirna u l-iehor qad imexmex il-fenek. U lanqas tghid laqatha l-gamima.’

‘ Iva ghandek ragun. Orqod.’

‘ Ara kemm tahsibni imharbta,Kol, jien din li tkun mohhok mistrieh li l-affarijiet mixjin sew, li hemm min qed jiehu hsieb li min jaghmel il-hazin jinqabad halli nkunu nistghu nghixu fil-kwiet u kif suppost, dik ghalija kollox.’

‘ Ghandek ragun, Mari’. Issa orqod.’

‘ JIen ghalija tridx isiru sinjuruni u jgawdu dak li jkunu serqu, imma dak il-wicc tost ta’gideb sfaccat u jrid igiddeb lil haddiehor ma nistax ghalih. Jien ghalija tridx Mari’ Antonett taghti party ta’kuljum go Villa Francija, basta lil Zolla tibqa ma tistidiniex.’

‘Kol, Kol mela rqadt. Dan veru jorqghod seren. Veru li flus fil-Panama m’ghandux, imma jorqghod qisu bambinu,’ U Maria ghajna marret biha wkoll , u bdiet tohlom kif il-bini beda jsir b’mod kontrollat, il-karozzi fit-triq naqsu u s-soghla li kienet taghtiha bl-abra waqfet hesrem. Issa setghet tiftah it-twieqi u hlief arja friska ma tidholx. Holmot li sabet ruha fl-arja miftuha ‘l boghod minn kull bini, ferhana taqbes u toghla ma’ dawk kollha li jhobbuha.Tghallmet tirkeb ir-rota u setghet tigri fit-toroq fejn karozzi ma jghaddux. Holmot li qeghda tghum f’bahar fejn ma hux imnigges bil-hmieg tal-fish farms. Holmot li l-elezzjoni ghaddiet u telghu biss il-kandidati onesti li jahdmu biss ghas-servizz tal-pajjiz.

U hawn kien li Maria qamet minnufih.

‘ Ara x’naghsa helwa kont fiha jahassra. Kol, int hlomt bhali. Tajjeb kieku jkollna ftit arja nadifa, u kieku jkollna biss politici onesti. Imma kif jista jkun dan meta ghandna nies bhal Zolla. Taf x’qaltli l bierah Zolla, Kol? Qaltli li taf li Joseph u shabu qed jisirqu, imma xorta ser tivvutalhom ghax inkella jitilghu i-nazzjonalisti. Ara kif trid ikollna arja friska meta hawn nies bhal Zolla. Qed tismani Kol.’

WARA L-MEETING

Maria w Zolla it-tnejn kienu gejjin lura mill-meetings li dik il-gurnata ghamlu z-zewg partiti. It-tnejn kienu ghajnhom mimlija bil-folol kbar li kellhom.

‘Xi tlift Maria. Dak meeting li kelna. Qatt f’ghomri ma rajt daqshekk nies. Kien hemm nofs Malta.’

‘U n-nofs l-iehor kienu fil-meeting taghna Zoll. Kemm int bela’ ghadek taghti kas ta’kemm jigu nies. Mhux dawk li gew ser ighoddu, imma dawk li ma gewx.’

‘Trid tara kemm fehmna tajjeb x’ser jaghmel Joseph hekk kif jerga jitla. Qalilna li ser inehhi l-wires kollha zejda li hemm fit-toroq.’

‘Zoll ruhi jekk veru ried inehhi l-wires kien ghad baqa sena shiha biex jaghmel dan, u mela jigi jsejjah elezzjoni sena qabel. X’kull wahda din – ser inehhi l-wires tat-toroq! Ghax ma jbajjadilniex il-faccata kif ikun fiz-zifna. Taf x’missu qalilkom, x’ser jaghmel b’dak il-miljun fil-kont ta’martu.’

‘u ajma kemm ser idumu sejrin biha. Dawn kollha gideb. Joseph qalilna li m’ghandkomx provi.’

‘Ara din x’inhi fidila. Xi tridu jghidilkom. Capcaptulux ukoll?  Mhux ga qalilkom? Ghalfejn tahseb li sejjah elezjoni qabel il-waqt? U x’provi tridu aktar milli isem martu bl-iswed fuq l-abjad?’

‘ Dak ma jfisser xejn qalilna, ghax dak jaf ikun pingitu Defni.’

‘ Iva, u pingiet ukoll il-kontijiet fil-Panama, it-tixhim tal-kasku, il-ftehim tal-Kafe Premier, il-kuntratt ma’Gaffarena… Taqta nifsek issemmi kollox.’

‘ Maria dan kollu tivvintawh intom. Poggi r-radju fuq il-One u tara li kif qed nghidlek jien. Taf ukoll x’qalilna Joseph, li ser jillegalizza il-qohob..’

‘Isa, ser jaghmel wahda tajba Zoll, forsi ssib in-nicca tieghek, u jekk xejn il-kaxxa ta’Malta tiffranka s-safra ta’xi ministru ghax ma jkollux ghalfejn imur Kapulco.’

‘Imma kemm ghandek ilsienek hazin Mari’. Mhux kullhadd ghandu jkollu l-izvog tieghu.’

‘Mhux hekk Zoll. Mhux hekk. Ghandek tghid mort hlejt nofs ta nhar biex toqghod tisma fuq il-qohob u l-wires. Ha nghidlek Zoll, kemm Joseph taghkom jitmejjel mill-proxxmu tieghu. Tmellah mill-povra studenti li f’Gunju jkollhom l-ezamijiet, tmellah mit-tfal li ser jaghmlu l-precett, minn min kien ilu bbukjat biex isiefer. Hemm ruhi qalbi, it-tifla ta’ Mansweta ila tipprepara ghat-tieg taghha fit-3 ta’Gunju sentejn biex issa kollox ser itirilha mar-rih.’

‘ iva, imma x’taghmel, hux! Mari’,intom Simon ma qalilkom xejn x’ser jaghmel hu?’

‘Ma qalilna xejn? Simon dejjem bis-sens jitkellem. Ha nghidlek x’qalilna. Li jcedi l-poter kollu li ghandu l-priministru li jaghzel hu lil min irid u jara li, bhall-kumissarju tal-pulizija jkun maghzul miz-zewg nahat. Dik serjeta’, mela kif qeghdin illum, ghadna kumissarju li jara u jisma meta jgebbidlu l-ispaga Joseph.’

‘ Din ma qalulniex fuq il-One. Mhix xi gidba ohra minn taghkom hux?’

‘ Gidba sabih. Dawn proposti, mela il-wires u l-qohob li gejtu bihom intom. Ha nghidlek Zoll, fittex iftah ghajnejk ghax bi cwiec bhalek ser inbatu ahna lkoll.’

‘ Imma jien, mhux ghax irrid Mari’, jien kif jibda jitkellem Joseph jisraqli mohhi u johodni fejn irid hu, u wkoll jekk inkun irrid indahhal xi kelma, b’ta’ madwari ma nistax. Ma tarax, sibt ruhi ncapcap meta qalilna li ser ikollna elezzjoni. Jien xtaqt inkomplu s-sena li baqalna, imma jekk Joseph qal hekk, sinjal li hekk jaqbel.’

‘ Zoll, kull meta jkun hemm il-Labour fil-gvern dejjem bil-kwistjonijiet. Pajjiz ma tafux thalluh jimxi normali. Jekk mhux korruzzjoni,vjolenza…’

‘Imma dak ghax intom ma thalluniex nahdmu. Dejjem issibu x’taqalaw.’

‘ Ajma jmissna ma nzommulkomx. Kieku dal-pajjiz la indipendenza m’ghandu, la dhalna fl-unjoni Wropeja u lanqas ghandu dal-gid kollu li qed jiddandan bih Joseph u Mari’Antonett. Smajt li marret tigbor xi affarijiet minn Villa Francija.’

‘Ma nafx, jien lili qatt ma stidnitni hemm.’

‘Ma tarax li lilek mhux ser tistidnek hemm. Int l-ewwel trid titla fil-mittel klas imbaghad, imbaghad naraw. Ghalissa mur biss capcap.’

‘ Inhossni bajtra meta nitkellem mieghek Mari’. Kemm nixtieqek kieku titkellem ma’Joseph. Dak zgur jikkonvincik.’

‘ Mela dak ser jitkellem mieghi. Ma rajtux, lanqas ma’ Marlene ma ried jitkellem. Ukoll ma’ Simon dam snin biex jiddibatti mieghu, u fl-ahhar ghax bilfors. Is-sahha ta’Joseph meta jkollu lilkom quddiemu, jista jghidilkom u jbellalkom kollox. Ma tindunawx kif idawrilkom id-diskors.’

‘ u le ghaliex tghid hekk? Mhux kollox jirrispondilkom?’

‘ Sakhemm ma jahrabx mill-bieb ta’wara, u meta johrog mill-bieb ta’quddiem Zoll,jew ibezzahom b’xi libel, jew ighidilhom jistaqsu lil haddiehor, jew johrog b’li ghamlu ta’qablu. Taf x’naghmlu Zoll. Ghax ma tigix tkellem lil Simon int. Dak ghandu hin ghal kullhadd u jkellmek zgur.’

‘Tghid Mari’. Ghajma jarani xi hadd, imbaghad kif noqghod bihom.’

‘Zoll jahassra kemm bqajt gifa. Tiltaqa ma’ Simon issir taf x’inhi onesta’ – dak li l-pajjiz ghandu bzonn illum. Illum mhux min inehhilna l-wire ghandna bzonn. Nergaw nghixu hajja normali, bla ma hadd ma jkun qed jisraqna minn wara darna – dak li ghandna bzonn.’

‘Qatt ma rajtek daqshekk serja Mari’. Qed timpressjonani.’

‘ Tridx tmur tiddobba qara’ Zoll. Mela dawn mhux affarijijiet serji. Isma, jekk int u Joseph sereni, jien miniex. Madankollu, ma nafx fil-veru kemm hu seren Joseph. Int jista jkun, ghax qatt ma kont xi stilla. Imma min ghandu ftit melh f’mohhu, bis-serjeta’ johodhom dawn l-affarijiet. Ara dabbar rasek ghax hlejt bizzejjed hin mieghek.’

MARIA TA’XKIELI TITLAQ IL BARRA.

Maria ta’ Xkieli kienet ila ma tidher. Wara l-elezzjoni tat–2013 bit-telfa kbira tal-partit taghha dahlet f’qoxritha u hasset li hi kella taghti cans lil dan il-muviment gdid li kien ser imexxi. Imma hekk kif beda juri sninu l-gvern gdid, Maria regghet fethet ghajnejha u ndunat li kienet giet ingannata.

‘Dan mhu xejn hlief il-Labour tal-antik,’ stqarret ma zewgha Kola. ‘Dan tmejlu bina ghax mhux veru li kullhadd qed jiehu li haqqu. Mhux veru li l-affarijiet qed isiru sew.’

‘ Maria ruhi,  issa qomt? U ha nghidlek haga ohra, lanqas tghid hu l-labour tal-antik li ghandu f’mohhu l-batut. Dan lil-batut nesih. Hlief jinnamra ma min ghandu xi sold mhux jaghmel. Jahassra ma ndunajtx li dan ghandu ghira kbira ghal min hu sinjur u mohhu kif isir bhalu!’

‘Ara ha nitlaq il-barra, ghax ferh ta’genn ghandi fuqi. Kif stajt qatt inpoggi l-fiducja f’min kien qieghed jghaddini biz-zmien.’

Lanqas lahqet harget il-barra li ma tigix wicc imb wicc ma’Konsa ta’Pespes.

‘Ara Maria kemm ili ma narak. X’minnek? Ejja maghna l-cofi morni tal-ministru Silvio. Taf kemm ser ikun hemm rigali.’

‘ Nigi ghand boxxla xjaten, Kons. Jien oqtolni u titmejjilx bija. Mur, mur iddeverti u ghoxa bir-rigali. Int x’jimputak li jghadduk biz-zmien. Int l-aqwa li tiehu pastizz u jmissek xi rigal.’

‘X’wahda ghandek fuqek Mari’, mela rqadt mikxufa?’

‘Jien mikxufa dejjem norqod Kons ghax dawn il-fwawwar ma niflahhomx, imma li qed nikrepa hu li ghall-mument kelli ghamad fuq ghajnejja. Imma kif stajt nahseb li qatt kontu ser tmexxu bil-fir! Mari’Antonett stess qaltilna li ser taghmel the most of it – u ma nindunax.’

‘Iva, kif mhux qed imexxi bil-fir Joseph? Lil ibni, qatt ma seta jsib xoghol sura ghax ma kellux skola issa qieghed ma’Silvio jiftahlu il-bieba tal-karozza, u dejjem bil-glekk.’

‘Imma jien ghax ma gejtx b’mohh ta’tigiega bhal tieghek Kons. Kieku dejjem ferhana. Iva, kieku hlief inqaqi ma naghmilx, imma ferhana.’

‘Miniex nifhmek Mari’, tafx.’

‘ X’tifhem, tifhem Kons. Int Joseph ighidlek kemm hu seren u tifrah. Jghidlek li naqqas id-deficit u ccapcap u ma tindunax li dan naqas ghal ftit xhur biss biex ikun jista jiddandan b’hekk, u issa id-deficit rega ghal li kien, u aghar. Joseph ighidlek li naqqaslek il-kontijiet u,li zewgek ilu jixtri il-petlor bid-doppju ta’kemm jiswa ma tarahx.’

‘Iva Mari’ imma zewgi wkoll ighid li l-ekonomija sejra tajjeb.’

‘eh issa sirt tifhem fl-ekonomija wkoll Kons. Qallek zewgek li l-ekonomija hallihilu tajba l-gvern ta’qablu, u hallilu biljun ewro maghha biex ikollu x’jonfoq Joseph.’

‘ jien ma nifhimx Mari’..’

‘Int mhux l-aqwa li tiehu l-pastizz u jmissek xi rigal? Apparti li l-ekonomija ila tajjeb is-snin, Kons, qed indawru xi sold ghax il-permessi tal-bini qed johorgu bl-addocc, bla ebda hsieb. Hemm ara, bini f’tarf wiehed u bini f’tarf iehor, bla kas li gew iblukkati t-toroq. Imbaghad niskantaw kif stagna t-traffiku. Ta’bl-addocc, addocc niehdu.’

‘u ajma Mari’ imma Joseph kellu rowt mep u fuqha mexa.’

‘u zgur li kellu rowt mep u fuqha mexa. Imma ma qalilniex li r-rowt mep li kellu kienet ghal go butu.

Lanqas lahaq tela’ ghax fuq ir-rowt mep mexa’ dritt dritt lejn il-Panama. Jahassra Kons. Int mara sewwa u ghalhekk ibellawlek kollox.’

‘veru li jien ma’nifhimx Mari’, imma daqs kemm jitkellem tajjeb Joseph!’

‘Ghandek ragun fuq li ghandek, Kons. Kliemu gugu’. Wkoll bija kien qed jitmejjel. Xi kultant jitfalek kelma tqila biex nghidu kemm jifhem. Dejjem izebbeg biex jghid dak li rridu nisimghu, u ahna l-imzazen nibilghu kollox.’

‘Iva, Mari’ imma lili taghtiniex tort. Jien ma nifhimx, u wkoll jekk nifhem ghaljenata nkun.’

‘Mela jien qed naghtik tort. Jien jiddispjacini li hawn min japprofitta ruhu minn nies bhalna. Issa, ma tarax, issa qed ighidilna li ghandu holma. Mela, d-darba l-ohra kellu rowt mep, din id-darba holma.’

‘Imma Mari’ tahseb li l-iehor Simon qed ighid l-verita’ fuq dawn il-flejjes li ghadejjin?’

‘ Mela Simon biss qed ighidhom dawn l-affarijiet? Kulmin ghandu ghajnejn jista jara ghalih. Issa fuq fatti qed nitkellmu. Ukoll Joseph jaccetta li hekk hu, imma jghidilkom li ‘perfetti m’ahniex’ jew ‘tghallimna mill-izbalji taghna’  u intom iccapcpulu u tas-Super One ighidulkom kemm hu umli.’

‘ Kemm taf x’ghandek tghid. Minnek dejjem nitghallem, Mari’’

‘ U x’titghallem titghallem, Kons. Issa arak terga tisma lill-One u terga koppi. Terga tiftah L-Orizzont u tibla kollox li jisquk. Int jahassra,Kons timxi bis-simpatiji. Ghax wiehed jitbissimlek jew idahhqek, iddub. Bhal ma jaghmel Kola tieghi fil-futbol –ghax ghandu grazzja mal-United, li jaghmlu l-United tajjeb, jistghu ma jilaghbux tajjeb, u jistghu qeghdin jixxahhmu. Fil-hajja vera trid tara u timxi ma’ dak li hu sew.’

‘Le, le did id-darba hadd ma jiehdu l-vot tieghi….’

‘ Hemm ahna, Kons, issa taf x’ser tghidli. Ser tghidli li dawn kollha l-istess.’

‘ Hekk kont, iva. Kif kont taf Mari’?’

‘ Ghax intom hekk taghmlu biex taghttu xturkom. Titfaw lil kullhad f’keffa wahda. Le, mhux kollha l-istess. Veru li ma’Simon hemm min hu onest u jaf ikun hemm min mhux, imma maghkom, apparti lil-huta minn rasha tinten, kollha dizonesti ghax min ma jiggielidx il-korruzzjoni korrot hu wkoll.’

‘Allura kif qed tghid int jien wkoll hazina jekk ma nivvutax lil Joseph u nivvota lil xi hadd ta’madwaru.’

‘Iva Kons, jekk ma taghmilx minn kollox biex din ix-xibka ta hmieg tinqata darba ghal dejjem, int ukoll hazina.’

‘ Eminni Mari’ ma nafx x’ser naqbad naghmel.’

‘ Mhux tmur ghall-pastizz u titkarrab ghar-rigali. Sahha Kons u lit-tifel ghidlu jiftahha sew il-bieba.’